Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಗಜಲ್

*ಗಜ಼ಲ್-೧೬*


ಮೋಹದೊಳಗಿನ ಎಸಲುಗಳ ಬಿಡಿಸಿ ಎದೆಕವಾಟಕ್ಕೆ ತುರುಕಬೇಕು ಈಗ
ಹೊಲಿಗೆ ಬಾಯಿ ತೆರೆದು ಮುತ್ತಿನ ಮಳೆಯ ನೀ ಸುರಿಸಬೇಕು ಈಗ

ಉರಿವ ಚಿಮಣಿ ಬತ್ತಿಸಬೇಡ ಬೆಳಕು ಇನ್ನೂ ಇರಲಿ ಸಾಕಿ
ನನ್ನೊಲವಿನ ರಾತ್ರಿಯ ಚುಕ್ಕಿ ಚಂದಿರ ಬೆಳಗಬೇಕು ಈಗ

ನಡೆದ ದಾರಿಯ ಹೆಜ್ಜೆ ಕೂಡ ಅಣುಕಿಸಿದ ಪ್ರಸಂಗ ನೆನಪಾಗುತ್ತದೆ
ಮರಳಿ ಹೊರಬಿದ್ದ ಗೂಡ ನಾವಿಬ್ಬರೂ ಸೇರಬೇಕು ಈಗ

ತಿರುಗೋ ಮುಳ್ಳಿಗೆ ಕಡಿವಾಣ ಏನಿದೆ ಜಗದ ನಿಯಮಗಳಲ್ಲಿ
ಜನನ ಮರಣದ ನಡುವೆ ಹೋರಾಡಿ ಒಲವ ಪಡೆಯಬೇಕು ಈಗ

ಹೃದಯ ವೀಣೆಯ ನಾದಕ್ಕೆ ನನ್ನ ನಿನ್ನೆಯೂ ಕುಣಿಯುತ್ತಿತ್ತು
'ಅವಿಜ್ಞಾನಿ'ಯ ಬರಡು ಎದೆಗೆ ಪ್ರೇಮ ನೀ ಸಿಂಪಡಿಸಬೇಕು ಈಗ

ಅವಿಜ್ಞಾನಿ

- ಅವಿಜ್ಞಾನಿ

19 Apr 2017, 01:46 pm

ಸುರಿವ ಕಣ್ಣೀರಿಗೆ ತಿಳಿಯದು...

ಸುರಿವ ಕಣ್ಣೀರಿಗೆ ತಿಳಿಯದು
ಮನಸಿನ ನೋವು
ಆಡಿದ ಮಾತಿಗೆ ತಿಳಿಯದು
ಮಾಡಿದ ಗಾಯ
ಕಾಡಿದ ನೆನಪಿಗೆ ತಿಳಿಯದು
ಕೊಟ್ಟ ದುಃಖ
ತಿಳಿಯಬೇಕಾದವರೇ ತಿಳಿಯದಿರೆ
ಈ ಕಷ್ಟಕ್ಕಿಲ್ಲ ಅರ್ಥ

- Kanakamurthi

19 Apr 2017, 01:39 pm

ಎಲ್ಲವು ನೆನಪಿದೆ ನನಗೆ

ನಾ ಕಂಡ ದಾರಿಯಲಿ ಎಲ್ಲವು‌ ನೆನಪಿದೆ ನನಗೆ
ಅದೆಲ್ಲವ ನಾ ಹೇಗೆ ವಿವರಿಸಲಿ ನಿನಗೆ

ನೀ ದೂರ ನಿಂತಾಗ ಕಾಯುತಿದೆ‌ ಮನಸು‌‌ ನಿನ್ನ ಬಯಸುತ
ಕಾಣಲಾಗದ ನಿನ್ನ ಬಿಂಬವ ತುಂಬಿಕೊಳ್ಳಲು‌ ನಿರೀಕ್ಷಿಸುತ
ನೀನೆದುರು‌ ನಿಂತಾಗ ಮಾತಾಗದ ಮೌನ
ಮೊಗವ ನೋಡಲಾಗದ ಬಿಡಿಸಲಾಗದ ಸಂಕಟ

ಆಡುವಾಗ ಮಾತು ನೀನೆದುರು‌ ನಿಂತು ‌ನನ್ನ ನೋಡುತ
ಒಮ್ಮೆ ಬರಸೆಳೆದು‌ ಅಪ್ಪಿ ಬಿಡಲೇನು
ಮಡಿಲಲಿ ಮಲಗಿ‌ ಮಗುವಂತೆ ಅತ್ತು ಬಿಡಲೇನು
ನನ್ನೆಲ್ಲ ಭಾವನೆಗಳ ಕಂತೆಗಳನು‌ ನಿನ್ನೆದುರು ಹರವಿಬಿಡಲೇನು
ನನ್ನೆಲ್ಲ ಕನಸುಗಳ ಪಾಲುದಾರಿಕೆಯ ಕೊಟ್ಟು ಬಿಡಲೇನು
ಮನಸಿದು ಕಾಡುತಿಹುದು ನೂರು ಯೋಚಿಸುತ
ನೂರಾರು ಮಾತು ಮನಸಲಿ‌ ನಾ ಹೇಗೆ ತಿಳಿಸಲಿ

ಸಾವಿರ ಪ್ರಶ್ನೆಗಳು ಮನಸಲಿ
ಅವುಗಳ ಬಿಡಿಸದೆ ಹೇಗೆ ಬದುಕಲಿ ನಗುನಗುತ ಮೌನದಲಿ
ಮೌನವು ನನ್ನೊಳಗೆ ಸೃಷ್ಟಿಸುವ ಯುದ್ಧಕೆ ಏನೆಂದು ಉತ್ತರಿಸಲಿ
ಆ ಸಮರದಲೂ‌ ನಾ ಹೇಗೆ ನಿಶ್ಕಲ್ಮಶವಾಗಿ ಜೀವಿಸಲಿ
ಸಾವದಾನದಲಿ ಕಾಯುವ ಶಕ್ತಿಯುಂಟು‌ ನನ್ನಲಿ
ಎಲ್ಲ‌ ಪ್ರಶ್ನೆಗಳ ಬಿಡಿಸಿ ಉತ್ತರಿಸುವ‌ ಮನಸುಂಟೆ ನಿನ್ನಲಿ

- ಶ್ರೀಕಾವ್ಯ

19 Apr 2017, 10:57 am

ಉತ್ತರ ಹೇಳು...

ಬಂಡರ ಸಮಾಜದಲ್ಲಿ ಬದುಕುತ್ತಿರುವ ನೀನು
ಹಿಗೇಕೆ ಮಾಡುತ್ತಿರುವೆ....

ನೂರು ತಪ್ಪುಗಳನ್ನು ಮಾಡಿದರು ನಿನ್ನನ್ನ ನೀನು
ಕ್ಷಮಿಸಿಕೂಳ್ಳುತ್ತಿಯ
ಆದರೆ ...
ಬೇರೆಯವರ ಒಂದು ತಪ್ಪಿಗೆ ಏಕೆ ಅವರನ್ನು
ದ್ವೇಷಿಸುತ್ತಿಯ ..

ಅರಿತಿಕೂ ಮನವೇ ಬದುಕಿನಲ್ಲಿ ಪ್ರೀತಿ ಸ್ನೇಹ ಹೂರೆತು ಯಾವುದು ಶಾಶ್ವತವಲ್ಲ...

- shabudin

19 Apr 2017, 10:43 am

ಬಯಕೆ

ಅದೆಂಥಾ ಚೆಲುವು ಗೆಳತಿ ನಿನ್ನದು
ಆ ಚೆಲುವಿಗೆ ಮರೆತೋದೆ ನನ್ನನು||ಪ||

ಮೆಚ್ಚಿರುವೆ ಚಲುವೆ ಪ್ರೀತಿಸಲೇಬೇಕೆಂದು
ಹುಚ್ಚಾದೆ ಹುಡುಗಿ ಪ್ರೀತಿ ಪಡೆಯಲೆಂದು
ಮರೆಯ ಬೇಕೆನಿಸಿದೆ ಗೆಳತಿ
ಜಗವನ್ನೆಲ್ಲಾ ನಿನ್ನ ಪ್ರೀತಿಯಲಿ||೧||

ಕಂಗಳ ಕಾಂತಿಯಲಿ ಎಲ್ಲ ದು:ಖವನ್ನು ಕರಗಿಸಿ
ನಿನ್ನ ಕಂಗಳಲಿ ಸದಾ ನಲಿಯಬೇಕು
ಮಗುವಂತೆ ನಿನ್ನ ಮಡಿಲಲ್ಲಿ ಮಲಗಬೇಕು
ಕರೆದು ಮೆರೆಸುವೆಯಾ ನಿನ್ನ ಮನದಲಿ!||೨||

ಕಾಯುತಿರುವೆನು ಚಲುವೆ ನಿನ್ನ ಆ ಕಿರುನೋಟದ ಪ್ರೀತಿಗೆ
ತ್ರಿಲೋಕ ಸುಂದರಿ ನೀ..
ಆಗು ಬಾ ಈ ಮೌನಿಯ ಒಡತಿ
ಬೆಳಗು ಬಾ ನನ್ನ ಬಾಳ ಜೋತಿ||೩||

*ಮೌನಿ*
(9739651101)

- ಮೌನಿ

19 Apr 2017, 08:24 am

ಪ್ರೀತಿಗಾಗಿ....

ಮನದ ಮಾತನ್ನು ಹೇಗೆ ಹೇಳಲಿ....
ನಿನ್ನ ಅಂತರಂಗವ ಹೇಗೆ ತಿಳಿಯಲಿ....
ನಿನ್ನ ಬಿಟ್ಟು ಕನಸು ಹೇಗೆ ಕಾಣಲಿ....
ನೀನೆ ಹೇಳು ಇದನ್ನ ನಿನಗೆ ಹೇಗೆ ತಿಳಿಸಲಿ....
(ಕಿರಣ,ಕಿಟ್ಟಿ)

- ಕಿರಣ ( ಮನಸಾರೆ )

18 Apr 2017, 11:15 pm

ತಂಗಾಳಿ

ತಂಪು ತಂಗಾಳಿಯು ಸೂಸಿ
ನಡೆದಿರಲು ‌ತನುವಿಗೆ ಸೋಕಿಸಿ
ಮನಸ ಹೂವಂತೆ ಅರಳಿಸಿ
ಮೈ ಮನವ ಹಿಗ್ಗಿಸಿ
ಕನಸುಗಳ ಎದೆಯಲಿ‌ ತೇಲಿಸಿ
ಸಿಹಿ ನೆನಪಿನ ಅಲೆಯ ಎಬ್ಬಿಸಿ
ಬದುಕು ಈ ಕ್ಷಣವ ಮೋಹಿಸಿ
ಮನಸು ಬದುಕ ಪ್ರೀತಿಸಿ
ಕಹಿಯ‌‌ ನೆನಪೆಲ್ಲವ ಮರೆಸಿ
ಕನಸೆಲ್ಲವ ಮನಸಲಿ‌ ಜೋಡಿಸಿ
ಮಾಡಿಹುದು ಮೋಡಿ‌ ನನ್ನ‌‌ ನಗಿಸಿ
ನನ್ನೇ ನಾ ಪ್ರೀತಿಸುವಂತೆ ಮಾಡಿದೆ ಕಣ್ಣ ತೆರೆಸಿ

- ಶ್ರೀಕಾವ್ಯ

18 Apr 2017, 09:56 pm

ಹೇ ಪ್ರಿಯ ಹೃದಯವೇ ..!!

ಚಂದಿರನಿಗೊಂದು ಸವಾಲನ್ನ
ಹಾಕಿ...ನಿನಗಿಂತ ಚೆಂದ ನನ್ನ ಹೃದಯ
ದೇವತೆಯೆಂದೆ...?
ಅದೊಂದು ದಿನ ತುಂಬು ಹೊಳಪಿಂದ
ಬಾನಂಗಳಕೆ ಬಂದ..!
ಕೇಳಿದರೇ...ಹುಣ್ಣಿಮೆಯೆಂದ...!!
ಒಂದು ಕ್ಷಣ..ನನ್ನವಳ ಸೌಂಧರ್ಯ
ನೋಡಿ...ಮೋಡದ ಮರೆಯಲ್ಲೆಲ್ಲೋ
ಬಚ್ಚಿಟ್ಟುಕೊಂಡ..?
ಕೇಳಿದರೇ...ಮಳೆಗಾಲವೆಂದ...!!
ನಾ..ಅಂದು ಕೊಂಡೆ...?
ಬಹುಶಃ ಎಲ್ಲೋ ಹೊಟ್ಟೆ
ಕಿಚ್ಚಿರಬೇಕೇನೋ ಅಂತ...!!
ಅಲ್ವಾ ಪ್ರಿಯಾ ..??

- nandini umesh

18 Apr 2017, 09:05 pm

ನಲೇ಼

ಮಳೆಗಾಲದಲ್ಲಿ ಮಾತ್ರ
ತುಂಬಿ ಹರಿಯೋದು ಕಾವೇರಿ.
ಸದಾ ಕಾಲ ಬರಿದಾಗದೆ
ಉಕ್ಕಿ ಹರಿಯೋದು
ನಿನಾಗಾಗ ನನ್ನ ಪ್ರೀತಿಯ ಝರಿ........

- chinnadana ni kosam

18 Apr 2017, 06:19 pm

ಮಲ್ಲಿಗೆಯಂತ ಅಮ್ಮ

ನೀರುಹಾಕುತಾ ನೋಡುತ್ತಿದ್ದೆ
ಅಮ್ಮ ನೆಟ್ಟ ಮಲ್ಲಿಗೆಯ..
ಕಂಡು ಪುಳಕಿತಗೂಂಡೆ
ಅದರ ಮುಗ್ದತೆಯ....

ಅನಿಸಿತೆನೆಗೆ ಅದಕ್ಕಿಲ್ಲ ಮುದುಡುವ..
ಭಯ ಭೀತಿ..
ನಲಿಯುತಿತ್ತು ಮುದುಡಿದರೂ
ಮತ್ತೆ ಹುಟ್ಟಿಬರುವೆನೆಂಬ ರೀತಿ....

ಯಾರಿಗೂ ತೋರುವುದಿಲ್ಲ
ಭೇದ ಭಾವವ..
ಎಂದಿಗೂ ಬಯಸುವುದಿಲ್ಲ
ಯಾವ ಸನ್ಮಾನವ....

ಮೌನವಾಗಿ ಶಿಖರವೇರುವುದು
ದೇವರ ಗುಡಿಯಲ್ಲಿ..
ಸುಮ್ಮನೆ ಕುಳಿತಿರುವುದು
ಹೆಂಗೆಳೆಯರ ಜಡೆಯಲ್ಲಿ....

ಅಚ್ಚರಿಯಾಯಿತು ಕಂಡು
ಅದರ ಪ್ರೀತಿಯ..
ಬಯಸದೇ ಬೀರುವ
ಮಧುರ ಸುವಾಸನೆಯ....

ಮೂಕಸ್ಮಿತಳಾದೆ ಕಂಡು
ಅದರ ನೀತಿಯ..
ಮೌನಳಾದೆ ಅರಿತು
ಅದರ ಹಿಂದಿನ ಮರ್ಮವ....

ಇದ್ದಾಳೆನಿಸಿತು ಅಮ್ಮ
ಮಲ್ಲಿಗೆಯ ಗಿಡದಲ್ಲಿ..
ಬಾಳಿನ ರೀತಿ ತಿಳಿಸಲು
ಹೂವಿನ ನೆಪದಲ್ಲಿ....

ಸದಾ ಇರುವ ಅಮ್ಮನ ನೆನಪಿನಲಿ..
ಬಾಳುವ ಅವಳಂತೆ ಬಾಳಿನಲಿ....

- KR Sreekamala

18 Apr 2017, 05:19 pm