ಕಾಣದ ಆಸೆಯನ್ನುಟಿಸಿ ಮನದಲ್ಲಿ
ಕಣ್ಣಂಚಿಗು ನಿಲುಕದೆ ಮಾಯವಾದೆಯೆಲ್ಲಿ
ಹೃದಯದದಲ್ಲಿ ಕಟ್ಟಿದ ಪ್ರೀತಿಯ
ಅರಮನೆಗೆ ನೋವಿನ ಕಿಚ್ಚು ಹಚ್ಚಿ
ನಾ ಕಂಡ ಸುಂದರ ಕನಸಿನ ಕನ್ನಡಿ
ಮಬ್ಬಾಯಿತು ಇಂದು ನಿನ್ನಿಂದ
ಬೆಳಕಿನ ಪುಂಜದಂತ ಈ ಬದುಕಿಗೆ
ಕತ್ತಲ ಹೊದಿಕೆ ಹೊದಿಸಿ
ಶಾಂತ ಸಾಗರದ ತಿಳಿನೀರಿನಂತ ಮನಸ್ಸಿಗೆ
ಭೂಕಂಪ ಬಂದು ಬಡಿದಿದೆಯಿ0ದು
....... ನಿನ್ನಿಂದ
ಅಂದು ಅದೇ ಮುಸ್ಸಂಜೆ ಹೊತ್ತಿನಲ್ಲಿ
ನದಿಯ ತೀರದಲ್ಲಿ ಸೋಮಾರಿಯಂತೆ
ಏನನ್ನೋ ಯೋಚಿಸುತ್ತ ಅಲೆಯುತ್ತಿರುವಾಗ
ನನಗೆ ಎದುರಾಗಿದ್ದಳು
ನೋಡಲು ಅಷ್ಟೇನು ಆಕಷ೯ಕವಾಗಿಲ್ಲದಿದ್ದರು
ಒಂದು ಕ್ಷಣ ನಿಂತು ನೋಡುವಂತಿದ್ದಳು
ಎಲ್ಲೋ ನೋಡಿದಂತೆ ಯಾವುದೋ ನೆನಪಿನಾಳದಲ್ಲಿ
ಹುದುಗಿ ಹೋಗಿದ್ದವಳು ಒಡಮೂಡಿದOತಿದ್ದಳು
ಧರೆಗೆ ತಂಪೆರೆಯಲೇನೋ ಎಂಬಂತೆ ಮೋಡ ಹೇಗೆ
ತನ್ನೋಡಲನ್ನೆಲ್ಲ ಬರಿದು ಮಾಡಿಕೊಂಡು
ಪ್ರೀತಿಯ ಮಳೆಗೆರೆವುದೋ
ಅದೇ ಭಾವ ಅವಳು ನನ್ನೆಡೆಗೆ ನೋಡಿದಾಗಿನ
ನೋಟದಲ್ಲಿತ್ತು
ಪ್ರೀತಿಯೆಂಬುದು ಅದ್ಭುತವೋ ?
ಅದ್ಭುತವೆಂಬುದೇ ಪ್ರೀತಿಯೋ ?
ಮೊದಲ ಪರಿಚಯದಲ್ಲೆe ಒಲವಿನಸಿರಿ
ಚಿಗರೊಡೆದಿತ್ತು ಸ್ನೇಹ ಸಲುಗೆಗೆ ತಿರುಗಿ
ಒಬ್ಬರನ್ನೋಬ್ಬರು ಪ್ರೀತಿಸತೊಡಗಿದೆವು
ಆನೇಕ ವಿಷಯಗಳಲ್ಲಿ ಸಮಾನ ಆಸಕ್ತಿ
ಸಮಾನ ಮನಸ್ಕರಾಗಿದ್ದೆವು
ಸುಶ್ರಾವ್ಯವಾಗಿ ಹಾಡಲು ಬರುವ ಬಾವಗೀತೆಗಳಂತಿರದೆ
ಸ೦ಗೀತಗುಣ ಲವಶೇಷವೂ ಇರದ
ಪದ್ಯ ರೂಪದ ಗದ್ಯಗಳೋ ಗದ್ಯ ರೂಪದ ಪದ್ಯಗಳೋ
ಓಟ್ಟಾರೆ ಅಸಂಬದ್ಧ ಪದಗುಚ್ಚಗಳಂತೆ ಕಾಣುವ
ನನ್ನ ಕೆಲ ಕವಿತೆಗಳನ್ನು ಬಹುವಾಗಿ ಮೆಚ್ಚಿಕೊಂಡಿದ್ದಳು
ವಾಸ್ತವದ ವಸ್ತು ಸ್ಥಿತಿ - ಗತಿ ಸಮಸ್ಯೆ ಪರಿಹಾರಗಳನ್ನು ವಿವರಿಸುವ ಕಥೆ ಕವನ ಕವಿತೆಗಳನ್ನು ಬರೆಯುವುದು ಬಿಟ್ಟು
ಬರೀ ಪ್ರೀತಿ ಪ್ರೇಮಗಳ ನೆಲೆಗಟ್ಟುಗಳಲ್ಲಿ ಬರೆಯುವ
ಹುಟ್ಟು ಪಲಾಯಾನವಾದಿಯೆ೦ದು ಜರಿಯುತ್ತಿದ್ದಳು
ನನ್ನ ಸ್ಥಿತಿ ಗತಿ ಇತಿ ಮಿತಿಗಳ ಅರಿವಿದ್ಧಿದರಿಂದ ನಕ್ಕುಸುಮ್ಮನಾಗುತ್ತಿದೆ
ಬದುಕಿನ ವಿವಿಧ ಮಜುಲುಗಳ ಜಿeವನಾನ್ವೇಷನೆಗೆ ಹೊರಟ ನಮ್ಮಪ್ರೇಮ ವಿಸ್ಮಯವೆಂಬ ದಟ್ಟ ಕಾನನದ ಹಸಿರನ್ನು ಆಗಾಗ ಜಡಿ - ಮಳೆ -ಬಿರು-ಮಳೆ ಹನಿ -ಮಳೆ ಸೋನೆ ಮಳೆಗಳು ಸುರಿದು ಕಾಪಿಡುವ ಪ್ರಯತ್ನ ಮಾಡಿದವು
ಬರ ಬರುತ್ತ ಕಾಡು ಬೆಂಗಾಡಾಗಿ ಮರುಭೂಮಿಯಾಗತೊಡಗಿತು
ಇದಕಿದ್ದಂತೆ ಒಂದು ದಿನ ಹಲವು ಕಾರಣಗಳ ಹೇಳಿ
ಹೊರಟು ಹೋದಳು
ನಾನು ಅವಳು ಹೋದ ದಿಕ್ಕನ್ನೇ ನೋಡುತ್ತ ಸುಮ್ಮನೆ ಕುಳಿತುಕೊಂಡೆನು
ಸುತ್ತ ಮೌನ ಆವರಿಸಿ ಅಸಹನೀಯವೆನಿಸಿತು ನೀರವತೆ ಭೀಕರವೆನಿಸತೊಡಗಿತು ಮನಸ್ಸು ವಿಕ್ಷಿಪ್ತಗೊಂಡಿತು
ಅವಳಾಡಿದ ಮಾತುಕತೆ ಚೆರ್ಚೆ ಹಾವ- ಭಾವ ಭಂಗಿ ನೆಡುವಳಿಕೆಗಳಲ್ಲಿ ಮತ್ತೆ ತಿರುಗಿ ಬರುವ ಸುಳಿವುನ್ನೇನಾದರು ಬಿಟ್ಟುಹೋಗಿರಬಹುದೇನೋ ಎಂದು ನೆನಪಿಸಿಕೊಳ್ಳುತ್ತ
ನನ್ನೂರಿನ ಬೆಟ್ಟಗಳ ಮೇಲಿರುವ ಪಾಳು ಕೋಟೆಯ ಕೃತ್ರಿಮ ವತು೯ಲಗಳಲ್ಲಿ ಅಲೆಯತೊಡಗಿದೆ