ತನ್ನೊಳಗಿನ ಭಾವದ ಪರಿಯ ಹಿಡಿಯಲು ಹೋಗಿ ಜಾರಿ ಬಿದ್ದ ಆ ಘಳಿಗೆ..
ಮೊಗದ ಹಿಂದಿದೆ ನಾಚಿ ನೀರಾದ ಮನವು
ಸದಾ ನಿನ್ನನ್ನೇ ಪರಿತಪಿಸುವ ಬಯಕೆಯೊಳು ನಾನಿರಲು,
ನಿನ್ನ ಮನದ ಮಾತನ್ನು ನಾ ಹೇಗೆ ತಾನೇ ಕೇಳಲಿ..
ಕೇಳಿದರೂ ಹೇಗೆ ತಾನೇ ವಿವರಿಸಲಿ..!!
ಆ ನಿನ್ನ ವಿಶಾಲ ಮೈಕ್ಕಟ್ಟು,ಗೆದರಿದ ತಲೆ ಕೂದಲು..
ಸದಾ ನಗುವ ಸೂಸುವ ಆ ನಿನ್ನ ಗುಳಿ ಕೆನ್ನೆ..
ಮತ್ತೆ ಮತ್ತೆ ನೋಡ ಬಯಸುವ ಆ ನಿನ್ನ ಸುಂದರ ವದನ..
ಸಾಕಿಷ್ಟು ಅಂತ ಅನಿಸಿದರೂ ಒಳಗೊಳಗೆ ಏನೋ ಕಾಡುವ ಬಯಕೆಗಳು..
ಹೇಳು ನೀನು ಯಾರು..?
ಮನಸ್ಸು ದೋಚಿದ ಇನಿಯನೋ ಅಥವಾ ಹೃದಯಕ್ಕೆ ಹತ್ತಿರವಾದ ಗೆಳೆಯನೋ..!!
ಸ್ನೇಹಕ್ಕೂ ಮಿಗಿಲಾದ ಬಂಧನವಿದೆಯೇ..?ಬಹುಶಃ ಇದ್ದರೂ ಆ ಸಂಬಂಧಕ್ಕೆ ಅರ್ಥವಿದೆಯೇ..??
ತಿಳಿಯದಾಗಿದೆ ನನಗೀಗ ಮುಂದಿನ ಸಾಲುಗಳು..
ದೀಪದ ಬೆಳಕು
"""""""""" ”"""""""""""'
ಅವಳ ಹಿಂದೆ ಹೋದಾಗ.
ಅವಳು ಕಂಡಳು ತುಪ್ಪದ ದೀಪದಂತೆ.
ಅವಳು ನನ್ನ ಜೀವನದಲ್ಲಿ ಬಂದಾಗ .
ನಾನಾದೆ ಚಂದಿರನ ಬೆಳದಿಂಗಳ ಬೆಳಕಿನಂತೆ .
ಅವಳು ನನ್ನೊಂದಿಗೆ ಇರುವಷ್ಟು ದಿನ
ನಾ ಹೊಳೆದೆ. ರವಿ ಕಿರಣಗಳ ಕಾಂತಿಯಂತೆ.
ಅವಳು ನನ್ನನ್ನು ತೊರೆದು ಹೊದಾಗ
ನಾನಾದೆ ಅಮವಾಸ್ಯೆ ಯ ಕತ್ತಲಿನಂತೆ.
ಜೀವನದಲ್ಲಿ ಬಂದಾಗ ಬೆಳಕನ್ನು
ತಂದವಳು ಅವಳು.
ಬಂದ ದಾರಿಯಲಿ ಪುನಃ ಹಿಂದಿರುಗಿ ಹೊರಟಾಗ .ಅದೇ ದೀಪವನ್ನು ಹಾರಿಸಿ ಹೊಗೆಯನ್ನು ಸ್ರುಷ್ಟಿಸಿ ಹೋದವಳು ಅವಳು.
ಕೊನೆಗೆ ನಾನಾದೆ ಬತ್ತಿಯಿಂದ ಉದುರಿದ ಬೂದಿಯ ತಿರುಳು .
ವಸ್ತ್ರ ಲೋಕ ಆಕ್ರಮಿತ ರಾಣಿ
ಓ ನೈಟಿ
ಸಾವಿರಾರು ರೂ ತೆತ್ತ
ಯಾವ ಸ್ಯಾರಿನು
ನಿನಗಿಲ್ಲ ಸರಿಸಾಟಿ
ನೀರೆಯರ ಸೀರೆಗಳ
ಮಾಡಿರುವೆ ಲೂಟಿ
ಚೂಡಿ ಮಿಡಿಗಳೊಡನೆ
ನಡೆಸುತ್ತಿರುವೆ ಪೈಪೋಟಿ
ನಗರವಾಸಿ ಲಲನೆಯರ
ನಲ್ಮೆಯ ಬ್ಯುಟಿ
ಹಳ್ಳಿ ಹೈದೆಯರ ಚಿತ್ತಗೆಡಿಸಿ
ಮೆರೆಯುತ್ತಿರುವ ಮಹಾ ಘಾಟಿ
ಅಂದು ಒಳಗಿರಲೂ ಅಳುಕುತ್ತಿದ್ದ ನೀನು
ಇಂದು ಬೀದಿ ಬಜಾರಗಳಲ್ಲೂ
ನಿನ್ನ ಸಂಭ್ರಮ ಆಹಾ ಅದೇನು
ನೀರು ಕಾಣಿಸದಿದ್ದರು
ಪಡಲಾರೆ ಕೋಪ
ನೆರಿಗೆ ಇಸ್ತ್ರಿ ಕಾಟ
ನಿನಗೆ ತಟ್ಟದ ಶಾಪ
ಅಂಗನೆಯರ ಅಂಗ ರಕ್ಷಕಿ
ಪುಂಡ ಪೋಕರ ಮನರಂಜಕಿ