ಕಾಡುತ್ತಿರುವ ಈ ನಿನ್ನ ಮೌನ,
ಕಣ್ಣಕಟ್ಟಿ ಬಿಟ್ಟ ಭಯಾನಕ ಕಾನನ..|೨|
ನಾನರಿಯೆನು ಯಾವ ದಾರಿಯನ್ನ.
ಆದರೂ ಸೇರುವೆ ನಿನ್ನನ್ನ
ಅಯ್ಯ್ಯ ದೇವನೇ ಹೇಗಾದರೂ ಮಾಡಿಸಬಾರದೇ ಸಂಧಾನ..!
--ಇಂಗ್ಗ್ಕವಿ (Engg ಕವಿ)
ನಿನಗಾಗಿ ಬರೆಯುವೆ ನಾನಿಂದು ಕವನ
ಎಷ್ಟು ಬರೆದರೂ ಮುಗಿಯದ ಕವನ
ಸುಮಧುರ ಸವಿ ಕ್ಷಣಗಳ
ನನ್ನೆದೆಯ ಗೂಡಲ್ಲಿ ಬಚ್ಚಿಟ್ಟ ಭಾವನೆಗಳನು
ಏನೆಂದು ಹೇಳಲೀ ನಾ ?
ಏನೆಂದು ಬರೆಯಲಿ ಹೇಳು
ನೆನಪಾದೆ ಇಂದು ನೀನು ...
ಹಾಗೆ ಸುಮ್ಮನೆ....
ಪ್ರತಿದಿನ ಪ್ರತಿ ಕ್ಷಣ
ನೆನೆನೆನೆದು ನಿನ್ನನೆ ನಿನ್ನೆ ನಾಳೆಗಳ ನಡುವೆ
ನಿನಗಾಗಿ ನಾನಿಂದು ನುಡಿಯುವೆ
ಹೃದಯಾಳದಿಂದ ನಾಲ್ಕು ನುಡಿಗಳು
ನನ್ನ ಉಸಿರಲ್ಲಿ ಉಸಿರಾಗಿ ಅವಿತಿವೆ
ನಿನ್ನ ನೂರಾರು ನೆನಪುಗಳು...ನನ್ನ ಹೃದಯಲ್ಲಿ...
ಮರವೆಂಬ ಮಾನವನೊಳಗೆ
ಕವಲೊಡೆದ ಭಾವಗಳು ರೆಂಬೆಗಳಂತೆ
ರೆಂಬೆಗಳಲು ಸಾವಿರಾರು ಕನಸುಗಳು ಎಲೆಗಳಂತೆ
ಹುಟ್ಟುವ, ಸಾಯುವ ಭಾವನೆ ಕನಸುಗಳು ಚಿಗುರು ಒಣಗಿದ ಎಲೆಗಳಂತೆ
ಅಲ್ಲಲ್ಲಿ ನಗಿಸಿ ನಗುವ ಖುಷಿಗಳು ಮನವ ಉಲ್ಲಾಸಿಸುವ ಹೂವುಗಳಂತೆ
ಜೊತೆ ಇದ್ದರು ನನಸಾಗದ ಭಾವ ಕನಸು ನೋವು ಸೋಲು ಕಹಿ ನೆನಪುಗಳು ಕಾಯಿಯಂತೆ
ಕಲಿತ ಜೀವನ ಪಾಠ ನನಸಾದ ಕನಸುಗಳು ಸಿಹಿಯಾದ ನೆನಪುಗಳೇ ಹಣ್ಣಿನಂತೆ
ಇವೆಲ್ಲವ ಹೊತ್ತು ನಿಂತ ಮನಸೇ ಕಾಂಡದಂತೆ
ಎಲ್ಲವ ಮೀರಿ ಮನದೊಳಗೆ ಅಡಗಿ ಮಾನವನ ಗಟ್ಟಿಯಾಗಿಸಿ ನಡೆಸುವವೆಲ್ಲವು ಬೇರುಗಳಂತೆ
ಕತ್ತರಿಸಿದರೇನು ರೆಂಬೆಗಳನು
ಉದುರಿದರೇನು ಒಂದರೆಡು ಒಣಗೆಲೆ
ಬಿಸಿಲೆಂಬ ನೋವಿಗೆ ಬೋಳದರೇನು ಇಡಿ ಮರವೆ......
ಕಳೆದು ಕೊಂಡ ರೆಂಬೆಯ ನೆನೆದು ಪ್ರಾಣ ಬಿಡುವುದೇನು
ಒಣಗಿದಲಿ ಚಿಗುರದೆ ಮತ್ತೊಂದು ಎಲೆ
ವಸಂತನಾಗಮನದಲಿ ನಿಲ್ಲದೆ ಮತ್ತೆ ಹಸಿರು ಹೊತ್ತು ನಿಂತು
ಮರೆಯಾದರೇನು ನಗುವ ಸೂಸೊ ಹೂವುಗಳು
ಹಣ್ಣಗದಿದ್ದರೇನು ಕಾಯಿಗಳು
ಹಣ್ಣುಗಳನ್ನೆಲ್ಲ ಪರರ ಖುಷಿಗೆ ಕೋಯ್ದರೇನು.....
ಆ ಮರದಲಿ ಹೂವುಗಳ ಪುನರಾಗಮನವಗದೇನು
ಆ ಕಹಿ ಕಾಯಿಗಳೇನು ಮರದಲಿ ಶಾಶ್ವತವೇನು
ಮತ್ತೆ ಮರದಲಿ ಹಣ್ಣುಗಳು ಬರದೆ ಇರುವುದೇನು
ಕಾಂಡವ ಕತ್ತರಿಸಿದ ಮರವು ಬದುಕಿದ್ದು ಸತ್ತ ಜೀವವು
ಬೇರೆ ಇಲ್ಲದ ಮರಕ್ಕೆ ಎಲ್ಲಿಹುದು ಉಳಿವು
ಮರವಾಗೊ ಮಾನವ....
ಕತ್ತರಿಸದಿದ್ದರೆ ಎಲ್ಲವ ಹೊತ್ತು ನಿಂತ ಕಾಂಡವ
ಬುಡಮೇಲು ಮಾಡದಿದ್ದರೆ ಬದುಕ ದಾರಿಗೆ ಆದರವಾದ ಬೇರನು
ಎಲ್ಲಿಹುದು ಜಾಗ ಬದುಕು ದಾರಿಯಲಿ ನೋಡಲು ಸೋಲಿನ ಸಾವನು........
ಏನು ಕೇಳಿದಿರಿ?
ಕತ್ತಲ ಗೂಡಲ್ಲಿ ಚಿಮಿಣಿ ಬೆಳಕಲ್ಲಿ
ಬದುಕು ಸಾಗಿಸುವವರು ನಾವು
ನಿಮ್ಮ ಬಾಷಣಗಳಿಗೆ ಕಥೆ ಆದವರು ನಾವು
ನೀವು ಕೊಡುವ ನಾಕಾಣೆಗೆ
ನಮ್ಮ ಕನಸ ಮಾರಿಕೊಂಡವರು
ನಿಮ್ಮ ಆಶ್ವಾಸನೆಗಳು ಶಾಸನಗಳು
ನನಸಾಗುವವೆಂಬ ಕನಸಲ್ಲೆ ಸ್ಮಶಾನ ಸೇರುವವರು
ನಿಮ್ಮ ಬಾಸಣದಲ್ಲಿ ನಮ್ಮ ಕಥೆ ಕೇಳುವವರು
ನಾಕಾಣೆಗೆ ನಮ್ಮನ್ನು ಮಾರಿಕೊಂಡವರು
ಕತ್ತಲೆ ತುಂಬಿದ ಗುಡಿಸಿಲಿನಲ್ಲಿ
ಕಡೆಗೊಮ್ಮೆ ಆದರೂ ಬೆಳಕು ನೋಡಬೇಕೆಂದುಕೊಂಡವರು
ನಿಮ್ಮ ಮದುವೆ ದಿಬ್ಬಣದಲ್ಲಿ ಬೆಳಕು ಹಿಡಿದವರು
ನಮ್ಮ ಮುಖಗಳು ನಿಮಗೆ ಕಾಣಿಸದು ಬಿಡಿ
ಸುತ್ತಲೂ ಕತ್ತಲು ನಮ್ಮನ್ನು ಆವರಿಸಿರುತದೇ ನೋಡಿ
ಕಣ್ಣು ಮಂಜಾಗುವುದರೊಳಗೆ ನಮ್ಮ ಹಾಡಿಯಲ್ಲಿ
ಬೆಳಕು ನೋಡುವ ಬಯಕೆ ಹೊತ್ತವರು ನಾವು
ಸಂಗಾತಿಯ ನೋಡಲು ಕನಸಿನ ಲೋಕಕ್ಕೆ ನಾ ಹೋಗುವೆ..
ಕನಸ್ಸಿನ ಲೋಕದಲ್ಲಿ ಹುಡುಕುವೆ ಅವಳ ಪ್ರತಿ ಗಲ್ಲಿಗಳಲ್ಲಿ...
ಸಿಕ್ಕಾಗ ಹಾಡುವೆ ನಾ , ನೀನೆ ನನ್ನವಳೆಂದು....
ಹಿಂಬಾಲಿಸು ಪ್ರಿಯೆ ನನ್ನ ಪ್ರತಿ ಹೆಜ್ಜೆಗಳನ್ನ...
ಪ್ರಮಾಣ ಮಾಡಿ ಹೇಳುವೆನು....
ಬರಿ ಸುಖವನ್ನೆ ತೋರುವೆ ನನ್ನ ಹೆಜ್ಜೆಗಳಲ್ಲಿ...
ಕೊಡುವೆಯ ಹುಡುಗಿ ನಿನ್ನ ಕಿರುಬೆರಳನ್ನ...
ಹಿಡಿಯುವೆನು ನನ್ನ ಕಿರುಬೆರಳಿನೊಂದಿಗೆ...
ಪ್ರಮಾಣಿಸುವೆನು ಬರಿ ಏಳು ಸುತ್ತಲ್ಲಾ...
ಏಳೇಳು ಜನುಮದಲ್ಲಿಯು ಸುತ್ತುವೆ ನಿನ್ನೊಂದಿಗೆ...
ತಲೆಯ ಬಾಗಿಸುವೆಯ ಒಮ್ಮೆ ನನಗಾಗಿ..
ಕಟ್ಟುವೆನು ಮಂಗಳ ಸೊತ್ರವ
ಬೆಸೆಯುವುದು ನಮ್ಮಿಬ್ಬರ ಸಂಬಂಧ ಶಾಶ್ವತವಾಗಿ...
ಮುಂದಿಡುವಿಯ ಗೆಳತಿ ನಿನ್ನ ಕಾಲ್ಬೆರಳುಗಳ...
ತೊಡಿಸುವೆನು ನಾ ಬೆಳ್ಳಿ ಕಾಲುಂಗುರವ...
ಇರಲಿ ನಿನ್ನ ಪ್ರತಿ ಹೆಜ್ಜೆಯಲ್ಲಿ ನನ್ನ ಗುರುತು...
ಕೊಡುವಿಯ ಪ್ರಿಯ ಸಖಿ ನಿನ್ನ ಕೈಯ...
ತೊಡಿಸುವೆನು ಹಸಿರು ಬಳೆಯ....
ನಮ್ಮ ಪ್ರೀತಿ ಸಂಕೇತವಾಗಿ ಇರಲಿ...
ಸದಾ ನಿನ್ನ ಕೈಗಳಲ್ಲಿ...
ಕೊನೆಉಸಿರೆಳೆಯುವ ಆಸೆಯಾಗಿದೆ ಇಂದು ನಿನ್ನ ಮಡಿಲಲ್ಲಿ..
ಹೊರಡುವೆನು ಕನಸ್ಸಿನ ಲೋಕಕ್ಕೆ ಮತ್ತೋಮ್ಮೆ...
ಹಿಂತಿರುಗಿ ಬರುವೆ ನಿನ್ನ ಮಡಿಲ ಸೇರಲು...
ಹಿಂದಿಗೊ , ಇಂದಿಗೊ , ಎಂದೆಂದಿಗೊ ನೀ ನನ್ನವಳೆ..