ನೀ ಕೈಹಿಡಿದು ಮೇಲೆ
ಕೈ ರೇಖೆಗಳು ಬದಲಾದವು ಹುಡುಗಿ
ಬದಲಾದ ರೇಖೆಗಳು ನೀ ಕೊಟ್ಟ ಮುತ್ತುಗಳಿಗೆ
ನಾಚಿ ಮರೆಯಾದವು
ಶಾಸ್ತ್ರ ಕೇಳಲಿಲ್ಲ ಪಂಚಾಂಗ ನೋಡಲಿಲ್ಲ
ಆದರು ನಾವಿಬ್ಬರು ಮನ ಮೆಚ್ಚಿದ ಸತಿ ಪತಿಯರು!
ಅನಾಮಿಕ.........
ಕನಸಗಳಲ್ಲೊಂದು ಕನಸು
ಅವಿತಿರುವ ಕನಸು ಕಲ್ಪನೆಗಳು ನೂರು
ಕಲ್ಲಾಗಿ ಇರಲಾರೆ ನಾ ಕೊನೆಯವರೆಗೆ
ಮನಸ್ಸಿನ ನೊರೆಂಟು ಪ್ರಶ್ನೆಗಳಿಗೆ
ಪ್ರತಿದಿನ ಕದನ ನಡೆವುದು ಮನದೊಳಗೆ
ಏಳು-ಬೀಳುಗಳ ಸಹಜ ಜೀವನ
ಬೇವು-ಬೆಲ್ಲ,ನೋವು-ನಲಿವಿನ ಹೂರಣ
ಹೆಜ್ಜೆ ಹೆಜ್ಜೆಗೂ ಸಿಗುವುದು ಕಾರಣ
ಹಳೆಯ ಪುಟಗಳ ನಡುವೆ
ಹೊಸದೊಂದು ಅಧ್ಯಾಯ
ಈಗ ನಾ ಬರೆಯಲಾರೆ
ಉತ್ತರ ಕೊಡಲಾಗದೆ ಒದ್ದಾಡುತಿದೆ
ಈ ಹೃದಯ...!!!
ನಾನೆಂಬ ಈ ವಯಸ್ಸಿನಲ್ಲಿ
ಕರಿ ಕಾಡಿಗೆಯ ಹಚ್ಚಿ, ನನ್ನ
ಕನಸಿನ ಹಾದಿಗೆ ನಾ ಜಾರುವೆ
ಈ ಚಂಚಲ ಮನಸ್ಸಿಗೆ
ಕೈ ಕೊಡದೆ ಇದರ ಜೊತೆಯಲ್ಲೆ
ಸಾಗುವೆ ಏಕೆಂದರೆ ಮತ್ತೆ ಮತ್ತೆ
ಈ ವಯಸ್ಸು ನನಗೆ ತಳಿಸದೆ
ಮುಂದೆ ಹೋಗುವುದಿನ್ನೊಂದರ
ಕನಸಿನ ಲೋಕಕ್ಕೆ....ಅದಾಗುವುದೆ?
ಮುಪ್ಪಿನ ಆಸರೆಯಗನಸು!
ಬಣ್ಣಗಳು ಕರಗಿ ಮಬ್ಬಾದ
ಅವಳ ಚಿತ್ರವೊಂದು
ನೆನಪಿನ ಪುಟದೊಳಗಿಂದ
ನನ್ನನು ಕಾಡುತ್ತಿತ್ತು
ಮೊದಲ ನೋಟದಲ್ಲೇ
ಅಚ್ಚೊತ್ತಿದ ಚಿತ್ರದ
ಭಾವಗಳು ಅಯೋಮಯವಾಗಿ
ಅವಳ ನಗು ಅಸ್ಪಷ್ಟವಾಗಿತ್ತು
ನಿನ್ನ ದಟ್ಟ ಹೆರಳ ವರ್ಣದ
ವರ್ಣನೆ ನಾ ಮಾಡಲೇ?
ಬೆಂಡೋಲೆ ಕಳಿಸಿದ ಪ್ರೇಮದೋಲೆಯ
ನಿನ್ನ ಮುಂದೆಯೇ ಓದಲೇ?
ಬೊಗಸೆ ಕಣ್ಗಳ ಹಾದಿಯಿಂದ
ನಿನ್ನ ಕನಸ ಸೇರಲೇ?
ತುಟಿಯಂಚಲಿ ಬಂದ ನಗುವಿಗೆ
ಬಿದ್ದ ಕೆನ್ನೆ ಗುಳಿಯಲಿ ನಾ ಬೀಳಲೇ?
ವರ್ಣಹೀನ ಚಿತ್ತಾರದೊಂದಿಗೆ
ನನ್ನ ವರ್ಣರಂಜಿತ ಸಲ್ಲಾಪವು...
ನೋಡಿ ವರುಷಗಳು ಕಳೆದರೂ
ಮನದ ಪೇಚಾಟಕ್ಕೆ ಎಲ್ಲಿ ಕೊನೆ...
ಅವಳೊಮ್ಮೆ ಸಿಕ್ಕರೆ? ಒಮ್ಮೆ ನಕ್ಕರೆ?
ಮಾಸಿದ ಚಿತ್ರಕೆ
ರಂಗಿನೋಕುಳಿ ಚೆಲ್ಲಿ ಹೋದರೆ...!!
"ಫೇಸ್ ಬುಕ್ಕಿನಲ್ಲಿ ಅವಳಿರಬಹುದು
ಹುಡುಕಿ ನೋಡೊಮ್ಮೆ"
ನನ್ನ ಪಾಡಿಗೆ ಕೊರಗಿದ
ಗೆಳೆಯನ ಸಲಹೆ ಬಂತು.
ಕಣ್ಣಂಚಿಗೆ ಆಸೆಯ ನೀರನೆರಚಿ
ನಡೆಸಿದ ತಡರಾತ್ರಿಯ ತಡಕಾಟದಲ್ಲಿ
ಸಿಕ್ಕಿ ಬಿಟ್ಟಿತು ಅವಳ ಮುಖ!!
ಹುಡುಗನೊಬ್ಬನ ಕೆನ್ನೆಗೆ
ಗುಳಿಬಿದ್ದ ಕೆನ್ನೆ ಅಂಟಿಸಿ
ತನ್ನ ಕೈಯ್ಯಾರೆ ತಗೆದ ಚಿತ್ರಕೆ
"ನಾನೂ-ನನ್ನವನೂ" ಶೀರ್ಷಿಕೆ