ಬೇಡವೆನಗೆ ಈ ನಿಖಾಬು-ಬುರಕಾ, ನಾನು ವಿದ್ಯಾವಂತಳಾಗುವ ತನಕ;
ಬೇಡವೆನಗೆ ಈ ನಿಖಾಬು-ಬುರಕಾ, ನಾನು ಸ್ವಾವಲಂಬಿಯಾಗುವ ತನಕ;
ಬೇಡವೆನಗೆ ಈ ನಿಖಾಬು-ಬುರಕಾ,
ನನ್ನ ಸಂಗೀತ ಸುಧೆಯನ್ನು ನೀ ಸಾರ್ವಜನಿಕವಾಗಿ ಆಸ್ವಾದಿಸುವ ತನಕ; ಬೇಡವೆನಗೆ ಈ ನಿಖಾಬು-ಬುರಕಾ, ನನ್ನ ಭವಿಷ್ಯವನ್ನು ನಾನೇ ಬರೆದುಕೊಳ್ಳಲು ಶಕ್ತಳಾಗುವ ತನಕ;
ಬೇಡವೆನಗೆ ಈ ನಿಖಾಬು-ಬುರಕಾ,
ನನ್ನ ಪ್ರತಿಭೆಯನ್ನು ನೀ ಗೌರವಿಸುವ ತನಕ; ಬೇಡವೆನಗೆ ಈ ನಿಖಾಬು-ಬುರಕಾ,
ನನ್ನ ಏಳಿಗೆಯನ್ನು ನೀವು ಸಹಿಸಿಕೊಳ್ಳುವ ತನಕ; ಬೇಡವೆನಗೆ ಈ ನಿಖಾಬು-ಬುರಕಾ,
ನನ್ನ ಚಿಕ್ಕ ಪುಟ್ಟ ಬೇಡಿಕೆಗಳಿಗೂ ಪಾಲಕರೆದುರು ಅಂಗಲಾಚುವ ಕೂಸಾಗಿರುವ ತನಕ;
ಬೇಡವೆನಗೆ ಈ ನಿಖಾಬು-ಬುರಕಾ,
ಒಡಹುಟ್ಟಿದ ಸಹೋದರರಿಗಿಂತ ನನ್ನನ್ನು ಕೀಳಾಗಿಕಾಣುವ ತಂದೆ ತಾಯಿಯರ ಮನಃ ಪರಿವರ್ತನೆಯಾಗುವ ತನಕ;
ಬೇಡವೆನಗೆ ಈ ನಿಖಾಬು-ಬುರಕಾ, ಪುರುಷಪ್ರಧಾನ ಸಮಾಜದ ದಬ್ಬಾಳಿಕೆಯಿಂದ ನಾನು ಹೊರಬರುವ ತನಕ;
ಬೇಡವೆನಗೆ ಈ ನಿಖಾಬು-ಬುರಕಾ, ಸಾಮೂಹಿಕ ಪ್ರಾರ್ಥನೆಗಳಿಗೆ ನನ್ನನ್ನು ನಿಷೇದಿಸುವ ಮುಲ್ಲಾಗಳಿರುವ ತನಕ;
ಬೇಡವೆನಗೆ ಈ ನಿಖಾಬು-ಬುರಕಾ, ಬಾಲ್ಯ ವಿವಾಹ ಮಾಡುವ ಮತ್ತು ಮುದುಕರಿಗೆ ಕಟ್ಟಿ ಸಾಗಹಾಕುವ ಅಪ್ಪಂದಿರಿರುವ ತನಕ;
ಬೇಡವೆನಗೆ ಈ ನಿಖಾಬು-ಬುರಕಾ, ಸ್ತ್ರೀ ಭ್ರೂಣ ಹತ್ಯೆಗೆ ಒಪ್ಪಿಗೆಕೊಡುವ ಸ್ತ್ರೀ ನನ್ನಮ್ಮನಾಗಿರುವ ತನಕ;
ಬೇಡವೆನಗೆ ಈ ನಿಖಾಬು-ಬುರಕಾ, ಪರಪುರುಷರೊಂದಿಗೆ ಸಲಿಗೆಯಿಂದಿರುವ ಹೆಂಗಸರೆಲ್ಲರನ್ನೂ ವೇಷ್ಯೆಯೆಂದು ಅನುಮಾನಿಸುವ ತಮ್ಮಂದಿರಿರುವ ತನಕ; ಬೇಡವೆನಗೆ ಈ ನಿಖಾಬು-ಬುರಕಾ,
ಕಂಡ ಕಂಡ ಹೆಂಗಸರನ್ನು ಕದ್ದು ನೋಡುತ್ತಾ ನನ್ನನ್ನು ಪರದೆಯಲ್ಲಿರಿಸುವ ಅಣ್ಣಂದಿರಿರುವ ತನಕ;
ಬೇಡವೆನಗೆ ಈ ನಿಖಾಬು-ಬುರಕಾ, ಬಹು ಪತ್ನಿತ್ವದ ಕಾನೂನು ಬಂದ್ ಆಗುವ ತನಕ; ಬೇಡವೆನಗೆ ಈ ನಿಖಾಬು-ಬುರಕಾ, ತ್ರಿವಳಿ ತಲಾಖ್ ಪದ್ಧತಿ ನಿಷೇದಿಸುವ ತನಕ;
ಬೇಡವೆನಗೆ ಈ ನಿಖಾಬು-ಬುರಕಾ, ಧರ್ಮದ ಹೆಸರಿನಲ್ಲಿ ಭಯೋತ್ಪಾದನೆಯನ್ನು ಹುಟ್ಟುಹಾಕುವ ಧರ್ಮಾಂಧರಿರುವ ತನಕ; ಬೇಡವೆನಗೆ ಈ ನಿಖಾಬು-ಬುರಕಾ,
ನನ್ನ ಕಲೆಯನ್ನು ಪೋಷಿಸಿ, ಹುರಿದುಂಬಿಸಿ ನನ್ನನ್ನು ಪ್ರೋತ್ಸಾಹಿಸುವ ಸಂಗಾತಿ ಸಿಗುವ ತನಕ.
ಏಕಾಂತದ ಆಳ ಅಗಲ
ದಿಗಂತದಷ್ಟು ವಿಸ್ತಾರ
ತಿಳುವುವವರಾರು ಅದರ ಆಕಾರ
ನಮ್ಮ ಮನಸುಗಳು ಆಗಾಗ
ಎದರು ಬಂದು ನಿಲ್ಲುತವೇ ಅಬ್ಬಾ
ನೋಡಲವೇಷ್ಟು ವಿಕಾರ
ಏಕಾಂತವ ಮೀರಿ ಒಂದೊಮ್ಮೆ
ಮಾಡಬೇಕು ಪ್ರೀತಿಯ ಸ್ವೀಕಾರ
ಪ್ರೀತಿ ಇದ್ದಿರಬಹುದು ನಿರಾಕಾರ
ಅದರದು ಬಹುಶಃ ಇರಲಾರದು ವಿಕಾರ
ಮಾಡುವೆಯ ನನ್ನ ಪ್ರೀತಿಯ ಅಂಗೀಕಾರ
ಈ ರಾತ್ರಿ ಏಕೋ ಆಗುತ್ತಿದೆ ಮನದಲ್ಲಿ ಭೀತಿ
ಇದೆ ಮೊದಲ ಬಾರಿ ಈ ರೀತಿ
ಗಾಳಿಗೆ ತೂರಿ ಬದುಕಬೇಕೆಂದಿದ್ದೇನೆ
ಈ ಸಮಾಜದ ರೀತಿ ನೀತಿ
ನಿದ್ದೆ ಕಾಣದ ಕಣ್ಣುಗಳು
ತಿನ್ನಲು ಹೋದರೆ ಹುಳ ಹಿಡಿದ ಹಣ್ಣುಗಳು
ಯಾವುದೊಂದು ಸರಿಯಿರದ ಉರಿನವನು ನಾನು
ಕಿತ್ತಾಡುವರು ಜನ ಕಾಣದ ದೇವರುಗಳಿಗಾಗಿ
ಇದ್ದರೆ ಆ ದೇವರೇ ಕ್ಷಮಿಸಬೇಕು
ಯಾರದೋ ರಕ್ತ ದಾಹಕ್ಕೆ ಸಾಯುವ ಮುಗ್ದರ ನೋಡಿ,
ಹಿಂದೆ ಆಡುತ್ತಿದ್ದರು ಬಣ್ಣದ ಹೋಳಿ
ಇಂದು ಹರಿಸುತ್ತಿದ್ದಾರೆ ರಕ್ತದ ಓಕಲಿ
ಬಣ ಕಟ್ಟಿಕೊಂಡ ಜನ
ಹಣದ ಆಸೆಗೆ ಮರೆತರು ಹೋರಾಟ
ಇನ್ನು ಕೇಳುವವರಾರು ಶೋಷಿತರ ನರಳಾಟ
ನನ್ನ ರೆಪ್ಪೆಗಳ ಕಣ್ಣು ತಪ್ಪಿಸಿ ನಿದ್ದೆಯ ಕದ್ದೊಯಿದಿದ್ದಾರೆ
ಅವರ ನೀತಿ ರಿವಾಜುಗಳು ನನ್ನನ್ನು ಬಂದಿಯಾಗಿಸಿವೆ
ಆ ಸಂಕೋಲೆಯ ಕಿತ್ತೆಸೆದು ಬದುಕಲು ನಿರ್ಧರಿಸಿದ್ದೇನೆ
ಭೀತಿಯ ಬಲೆಯ ಬಿಡಿಸಿಕೊಂಡು
ಸಹಸ್ರಮಾನದಿಂದ ಅನುಭವಿಸುತ್ತಿರುವ ಅವಮಾನಗಳಿಗೆ ಪರಿಹಾರ ಕಂಡುಕೊಳ್ಳಲು
ಹೊರನಡೆಯುತ್ತಿದ್ದೇನೆ
ನೀವು ಬಯುವಿರಾದರೆ ನನ್ನನ್ನು ಹಿಂಬಾಲಿಸಬೇಡಿ
ಬನ್ನಿ ಜೊತೆಯಾಗಿ ಸಾಗೋಣ
ಹೊಸ ಊರೊಂದ ಕಟ್ಟೋಣ
ಹೊಸ ಕನಸೊಂದ ಹೆಣೆಯೋಣ...
ಕಾಲೇಜ್ ದಿನಗಳಲ್ಲಿ ರೂಪದರ್ಶಿಯಾಗಿ ಮೆರೆದಿದ್ದೆ.......
ನೀನೆ ಅತೀ ಸುಂದರಿಯೇ ಏಂದು ಹೇಳಿತ್ತು......
ಬರೀಗನ್ನಡಿ
ಬೆಡಗು ಬಿನ್ನಾಣಗಳು ನಡು ಸೊಂಟವ ಕಂಡು.....
ಸ್ನೋ ಪೈಡರ್ ಲಿಪ್ ಸ್ಟಿಕ್ ಕಾಡಿಗೆ ಉಗುರು ಬಣ್ಣಗಳ ಕಂಡು....
ವಿಶ್ವಸುಂದರಿಯೇ ನೀನು ಎಂದು ಬಾವಿಸಿತ್ತು....
ಪ್ಯಾಶನ್ ಟಿ ವಿ ಗೆ ನನ್ನ ಪ್ರೋತ್ಸಾಯಿಸಿದ್ದು ಈ.....
ಬರೀಗನ್ನಡಿ
ಚೂಡಿದಾರ ವೇಲು ಕೆನಿಟಿಕ್ ವಾಂಡನೇರಿ....
ಟೈಪಿಂಗ್ ಗೆ ಹೋಗುತಿದ್ದ ನನ್ನನೇ ಐಶ್ವರ್ಯ ರೈ ಏಂದಿತ್ತು...
ಬರೀಗನ್ನಡಿ
ಅಹಾ ಏಂದರೂ ಸರಿಯೇ ದಿಷ್ಟಿಸಿ ನೋಡುತಿದ್ದ ಪಡ್ಡೆಹುಡುಗರು....
ಯಾರಿಗೂ ಎದರಲಿಲ್ಲ ನಾಚುತ್ತಿದ್ದೆ ನಾನು....
ನಾ ನಾಜೋಕ್ ಕುಮಾರಿ ಹೌದು ನಾಚುತ್ತಿದ್ದೆ
ಬರಿಗನ್ನಡಿ
ಇಂದು ನಾನು ಹಣ್ಣು ಹಣ್ಣು ಮುದುಕಿ ನನಗೆ ಇಯಾಳಿಸತಲಿದೆ ...
ನೀನಗೆ ಯಾಕೆ ಬೇಕು ಸಿಂಗಾರ ಬಂಗಾರ ಏಂದು...
ಬರಿಗನ್ನಡಿ