ಅಪ್ಪ ಅಂದರೆ ಅಪ್ಪ ನನ್ನಪ್ಪ
ನನ್ನ ಬೆಸ್ಟ್ ಫ್ರೆಂಡ್ ಅಂದ್ರೆ ನನ್ನ ಅಪ್ಪನೇ
ನನ್ನ ಇಷ್ಟ ದೈವ ಅಂದ್ರೆ ನನ್ನ ಅಪ್ಪನೇ..
ಅಪ್ಪ ಅಂದರೆ ಅಪ್ಪ ನನ್ನಪ್ಪ
ನನ್ನ ರೋಲ್ ಮಾಡೆಲ್ ಅಂದ್ರೆ ನನ್ನ ಅಪ್ಪನೇ
ನನ್ನ ಛಲವು ಬಲವು ಎಲ್ಲಾ ನನ್ನ ಅಪ್ಪನೇ.. " ಪ "
ಕಣ್ಣೀರಿನ ಮಹಾಸಾಗರದಲ್ಲಿ ಮುಳುಗಿದರೂ
ನನ್ನ ರಾಜಕುಮಾರನಂತೆ ಬೆಳೆಸಿದರು.
ಇವರ ಕೈ ಹಿಡಿದು ನಡೆದರೆ ಜಗವೇ ನಂದನವನ ಎನಿಸುವುದು..""
ಅಂದು ನಾನು ನಗಬೇಕು
ಅಂತ ಆಟದಲ್ಲಿ ಬೇಕಾಗಿ ಸೋತರು..
ಇಂದು ನಾನು ಗೆಲ್ಲಬೇಕು
ಅಂತ ಜೀವನದಲ್ಲಿ ಜೊತೆಯಾಗಿ ನಿಂತರು..""
ಅಂದು ನಾನು ಎಷ್ಟೇ ಹಠ ಮುನಿಸು ತೋರಿಸಿದರೂ
ನಗುನಗುತಾ ಅಪ್ಪಿ ಮುದ್ದಾಡಿದರು..
ಇಂದು ನಾನು ಎಂಥ ಕನಸು ಕಂಡರೂ
ಧೈರ್ಯ ತುಂಬುತ ಒಪ್ಪಿ ಮುನ್ನಡೆಸಿದರು..""
ಮಗನೇ ಆ ಮಾಡು
ಇನ್ನೊಂದು ತುತ್ತು ತಿನ್ನು
ಎಂದು ಸಿಹಿಮುತ್ತು ನೀಡುವಾಗ ಕಂಡೆ ಅಪ್ಪನ ಪ್ರೀತಿಯ..
ಪರರಿಗೆ ಕೈಮುಗಿದು
ಪ್ರೀತಿ ಸ್ನೇಹ ಕೊಟ್ಟು ಉಪಚಾರವನ್ನು
ಮಾಡುವಾಗ ಕಂಡೆ ಅಪ್ಪನ ನೀತಿಯ.."""
ಸೂರ್ಯ ಚಂದ್ರಮರು ಆಟವಾಡಿಹರು
ಮೋಡದಾ ಸೆರಗಿನ ಮರೆಯಲ್ಲಿ,
ಇಳೆಗೆ ಅವರೇ ಸೊಗಸು
ಹರೆಯದ ಇಳೆಯ ಕನಸು.
ಆಗೀಗ ಕೊಂಚ ಗಾಳಿಯದು ಬೀಸಿ
ಮೋಡವನು ಆಚೀಚೆ ಒಂಚೂರು ಸರಿಸಿ
ಇಣುಕಿ ಬಿಡುವರು ಅವರು ಸೌಂದರ್ಯ ಸ್ಪುರಿಸಿ.
ಮೋಡ ಸರಿದರೆ ದೂರ
ಕಣ್ಣು ಕುಕ್ಕುವನು ಸೂರ್ಯ
ಬೆಳುದಿಂಗಳು ಚೆಲ್ಲುವನು ಚಂದ್ರ
ಅರೆ ಕ್ಷಣದಿ ಸೆಳೆದು ಬಿಡುವರು
ಎಲ್ಲಾರ ಕಣ್ ನೋಟ ಹಿಡಿದಿಟ್ಟು ತಮ್ಮೆಡೆಗೆ..
ಇಳೆಯೋ ಹರೆಯದ ಪೋರಿ
ನಾಚಿಕೆ ಅಡರಿರುವ ಸುಂದರ ನಾರಿ..
ತೋರಲಾರಳು ತನ್ನ ಸೌಂದರ್ಯ ಖನಿಯ
ಹಾಗೆಲ್ಲ ಮೈ ಮರೆತು ಅಲ್ಲದಿರೆ ಇನಿಯ!
ಮುಂಗಾರು ಎಂದರದು ಇಳೆಗೆ ಯೌವ್ವನವು
ಮೋಡ ಮುಸುಕಿದರೆ ಸೆರಗ ಸೌಂದರ್ಯವು
ಸೂರ್ಯ ಚಂದ್ರರ ಕಣ್ಣಾ ಮುಚ್ಚಾಲೆ ಆಟ
ಮನಸಿಗೆ ನೀಡುವುದು ಅಂದದ ರಸದೂಟ!