Kannada Poems

Download App from Playstore. | Privacy Policy

Deprecated: Creation of dynamic property my_pagination::$conn is deprecated in /home4/airpoiy2/kannadakavana/pagination.php on line 41

ಕನಸುಗಾರ

ಎಲ್ಲರಿಗೂ ಇರದು ಈ ತರದ ಮನಸು
ಕನಸು ಕಾಣುವುದೆಂದರೆ ಕೆಲವರಿಗೆ ಸೊಗಸು
ಸೋತೋನು ಗೆಲ್ಲೋದು
ಗೆದ್ದೋನು ಸೋಲೋದು
ಇಲ್ಲಿಯ ನಿಯಮ
ಇದುವೇ ಈ ಜಗದ ನಿಯಮ

ಕವಿದ ಕತ್ತಲೆಯೊಳು
ಜಗವೆಲ್ಲ ಮಲಗಿರಲು ಇವನೊಬ್ಬನೆದ್ದ
ಕಾಣದೆ ಕರಗಿದ
ಬಿಡದೆ ಬರಸೆಳೆದ
ಹೊತ್ತೊಯ್ದ ನನ್ನ ಸಿರಿಸೊಕ್ಕಿನರಮನೆಗೆ
ಕುಬೇರನು ನಾನಿಲ್ಲಿ
ನಾನೇ ಸರ್ವಾಧಿಕಾರಿ
ತುಸು ಹೊತ್ತು ರಾಜ ಮತ್ತೆ ಮಂತ್ರಿ, ಸೈನಿಕನೂ
ನನ್ನಾಕೆ ಜಗಕಾಣ ಮನದರಸಿ
ಸ್ವರ್ಗಲೋಕದ ಸುಂದರಿ
ಅಪರಿಮಿತ ದಾಸಿಯರು ನಮ್ಮ ಸೇವೆಗೆ
ವಿರೋಧಿಯೂ ವಿರೋಧ ಪಕ್ಷವೂ ಇರದ, ಸದಾ ಸಂತಸದಿ ತೇಲಾಡುವ ಲೋಕ ನನ್ನದು
ಅದೇ ಕನಸಿನ ಲೋಕ
ನಾನೇ ಅದರ ಒಡೆಯ
ಕನಸುಗಾರನೆಂದು ನನ್ನ ಹೆಸರು.

ಭೀಮೇಶ್. ಎಫ್. ಡಿ.

- ಪ್ರೇಮಪುತ್ರ...ಭೀಮೇಶ್

17 Sep 2017, 11:00 pm

ವಿರಹಾಗ್ನಿ

ಗಂಟೆ ನಾಲ್ಕು ಮೀರಿ, ಸಂಜೆಗೆಂಪೇರಿದೆ
ಇನಿಯನಂತರಾಳದಲಿ ಮಿಂದೇಳುವ ಮನಸಿದೆ
ಸುಳಿವು ಕಾಣದಾಗಿ
ನನ್ನೆದೆಯೇ ಭಾರವಾಗಿ
ನಲಿವದು ನಲುಗಿದೆ
ಬಾ ಬಾರೋ ಇನಿಯನೆ...

ನಿನ್ನೊಲವ ನೆನೆದು ಕೆನ್ನೆ ಕೆಂಪೇರಿದೆ
ಈ ಚಲುವ ಹೀರಲು ರವಿಕಿರಣ ಸೋತಿದೆ
ಕಾದಿಹಳು ನಿನ್ನರಸಿ
ಕುಡಿನೋಟವರಳಿಸಿ
ಬಂದೊಮ್ಮೆ ತಬ್ಬಬಾರದೇ
ಬಾ ಬಾರೋ ಇನಿಯನೆ..

ವಿರಹದಾ ಬೇಗೆಯು ಬೆನ್ನೇರಿದೆ
ಕಣ್ಣಲಿ-ಕಣ್ಣಿಡುವ ಆಸೆಯಾಗಿದೆ
ಏಕಾಂಗಿ ಧ್ಯಾನದಲಿ
ಕಪ್ಪು ಕೋಣೆಯಂಚಿನಲಿ
ಹೊಸ ಭಾವಲೀಲೆ ಕುಡಿಯೊಡೆದಿದೆ
ಬಾ ಬಾರೋ ಇನಿಯನೆ..

ಸವಿಯಲಾಗದ್ದ ಸವಿನೆನಪು ಕಾದಿದೆ
ನೀ ಕೊಟ್ಟ ಉಡುಗೆಯಲಿ ಹೊಸ ಮಿಂಚು ಮಿಂಚಿದೆ
ಈ ಮಿಡಿತ
ಈ ಸೆಳೆತ
ಈ ಮನವಿಗೆ
ತಂಪೆರೆಯಬಾರದೇ
ಬಾ ಬಾರೋ ಇನಿಯನೆ...

*ಭೀಮೇಶ್. ಎಪ್. ಡಿ*

- ಪ್ರೇಮಪುತ್ರ...ಭೀಮೇಶ್

17 Sep 2017, 10:10 pm

ತಿಳಿಯದ ಜ್ಞಾನ

ಪ್ರಪಂಚ ತಿಳಿಯದ ವಯಸ್ಸು
ಎಲ್ಲವನ್ನು ಅನುಭಿವಿಸಬೇಕೆಂಬ ಮನಸ್ಸು
ಹರೆಯದ ಹಾರ್ಮೋನ್ಗಳ ಆರ್ಭಟ
ದೇಹದೊಳಗೆ ಮೋಹದ ಚೆಲ್ಲಾಟ

ಕಣ್ಣಿಗೆ ಕಾಣೋದೆಲ್ಲಾ ಕಸ್ತೂರಿ ಪರಿಮಳ
ಅದನ್ನ ಸ್ಪರ್ಶಿಸಬೇಕೆನ್ನುವುದು ಒಳ ಜಳ
ಏಕಾಂತವೇ ವಿರಹ
ಕಲ್ಪನೆ ಕನಸುಗಳ ಮಹಾಪುರಹ

ಕಣ್ಣಲಿ ಪ್ರೇಮ ಕಾಣಿಕೆ
ಎದೆಯಲಿ ಹನ್ನೊಂದು ಏಣಿಕೆ
ಎಲ್ಲವೂ ಆಲಸ್ಯ
ಅದಕ್ಕಾಗಿ ಮಾಡಿಸುವುದು ಅಪಹಾಸ್ಯ

ತಪ್ಪಿ ಹಳ್ಳಕ್ಕೆ ಬಿದ್ದರೆ
ಬಾಳಿಗಂಟಿಕೊಳ್ಳುವುದು ಮುಳ್ಳಿನ ಪೊರೆ
ಜೀವನದುದ್ದಕ್ಕು ಪಶ್ಚಾತಾಪದ ಹೊರೆ
ಹಿರೇಉಳ್ಳಿಗೇರಿ ಕರೆಮ್ಮ ತಾಯಿಯ ಕಾಲಿಗೆ ಸೆರೆ

- MB

17 Sep 2017, 07:49 pm

ನೆನಪು...

ಕನಸುಗಳ ಮೆಟ್ಟಿಲಲ್ಲಿ..
ಕನವರಿಕೆಯ ನೆನಪಿನಲ್ಲಿ...
ಮನಸಿನ ಪುಟಪುಟದಲ್ಲಿ
ನಿನದೇ ನೆನಪು ನನಗಿಲ್ಲಿ..
ನಿನ್ನ ಜೊತೆಗಿನ ಪ್ರೇಮದಲ್ಲಿ....

- ಪ್ರಿಯಾಂಕ

17 Sep 2017, 11:05 am

ಕಲ್ಲು ಕರಗಿಸೋ ಕರುಣಾಮಹಿ

ಕಲ್ಲಂತ ಮನಸು ಕರಗಿಸೋ ಕರುಣಾಮಯಿ ಕಣ್ಣು ನಿಮ್ದು
ಕಟುಕನಿಗೂ ಕವನದ ಸುವಾಸನೆ ಬಡಿಸಿಡಿದ ಕಾಮಾಕ್ಷಿ ಕನ್ಯೆ ನೀನು

ಮನಸಿಂದು ಹಸಿ ಬಿಸಿ
ಕನಸೇಕೋ ಕಸಿ ಕಸಿ

ಕಲ್ಲು ಮನವಿಗೆ ಕರುಣೆ ಬಾರದು
ಒಲವ ಕೈಯಲಿಹಿಡಿದು ನೆಲದೊಳಹಾಸಿ ಒಲವನು ಮಣ್ಣು ಮಸಿ ಮಾಡಿದಾತನು ನಾ

ನನ್ನುಸಿರಿಂದು ಬಿಸಿ ಬಿಸಿ
ಭಾವನೆಇಂದೇಕೋ ಹುಸಿ ಹುಸಿ

ಬಣ್ಣಬಳೆದಳು ನನ್ನ ಬದುಕಿಗೆ
ನಾ ಬಳೆದೆ ನಿನ್ನ ಬದುಕಿಗೆ ನೀರ ಮೇಲೆ ಸುಟ್ಟಸುಣ್ಣ ಅರ್ಥಹಿನ ಬಣ್ಣವ ಮನದಬಿಳಿಗೋಡೆಯದಿ

ಅನುರಾಗ ಝರಿ ಝರಿ
ಅನುವಾದ ಕಾಲಿ ಕೈ

✍✍ಪ್ರದೀಪ✍✍

- ಪ್ರದೀಪ.ಮ.ಪಾಡಮುಖೆ

17 Sep 2017, 09:24 am

ಯಾಚನೆ

ಯಾಚನೆ
ಒಮ್ಮೆ ತಿರುಗಿ ನೋಡು ಹುಡುಗಿ
ಯಾಕೆ ನೋಡಬಾರದೇ...
ನಿನ್ನ ಕಣ್ಣ ಕಾಂತಿಯಿಂದ
ನನ್ನ ಹೃದಯ ಬೀಗಿದೆ
ದಿನವೂ ನಿನ್ನ ಕಣ್ಣ ನೋಟ
ಕಣ್ಣಿನೆದುರು ಬರುತಿದೆ
ಒಂದು ಮಾತು ಕೇಳಲೇನು
ನನ್ನ ವರಿಸಬಾರದೇ...

- yogi

17 Sep 2017, 06:30 am

ಬೇಗನೆ ಬಾ

*ಕವನ*
*_ಬೇಗ ಬಾ ನೀನು_*

_ಬೇಗ ಬಾ ನೀನು ನನ್ನ ಸನಿಹ
ಅಳಿಸು ಬಾ ನೀನು ನನ್ನ ವಿರಹ
ನೋವಿಸದಿರು ಬಿಗಿದಿಡು ನನ್ನ ಆದರ
ಕೊನೆಗೊಂಡಿತೇ ನಿನ್ನಯ ಮಿಲನ_

ಪಿಸು ಮಾತಾಡುತ ತುಸು ದೂರ ನಡಿಯೋಣಾ
ಕಿಳಿಸಂಜೆಯ ತಂಗಾಳಲಿ ಜೊತೆಯಾಗೋಣಾ
ಕುಸುಮ ಹೀರುತ ಅರಳುವ
ಬಲಿ ಮೆರೆಯೋಣಾ
ಸವಿ ಹೀರಲು ಹಕ್ಕಿಗಳ ಜೊತೆ
ಒಲವ ತಿಳಿಸೊಣಾ

ನೂತನ ಸ್ನೇಹವಿದು ಮಾತಿಗೂ ಸಿಗದು
ಮೊಗ್ಗಾದ ಮೋಹವಿದು ನೀ ಬರದೆ ಅರಳದು
ಬಾಳಿಗಿರುವ ಅರ್ಥವ ಸುರಿಸಿ
ಅರ್ತಿಮೂಡಿಸಿದೆ
ನಿನ್ನದೇ ದ್ಯಾನದಲಿ ಕೊನೆಗೂ
ನಾ ಬೆರಗಾದೆ...

ಎದೆಯ ಪುಸ್ತಕವ ತೆರೆದು ನೀ ಓದಬೇಕಿದೆ
ಕನಸುಗಳು ಕೂಡಿಡಲು ನಿನ್ನಲಿ ಜಾಗ ಬೇಕಿದೆ
ನೇತ್ರವ ಮುಚ್ಚಿಸದೇ ಪ್ರತಿಕ್ಷನವೂ ನೀ
ಇರಬೇಕಿದೆ
ಸೋದರೀ ನೀನಿಲ್ಲಿ ಬರಬೇಕಾಗುತ್ತದೆ
ನನ್ನಯ ಪ್ರಣಯ ಅರಿಯಬೇಕಿದೆ...

- ಶಾಫಿ

16 Sep 2017, 11:16 pm

ಕಣ್ಣುಗಳೇ ಕೂಡಿಟ್ಟಿರಿ

ಕಣ್ಣುಗಳೇ ಕೂಡಿಟ್ಟಿರಿ ನಿದ್ದೆಗೆಟ್ಟು
ನಾ ಕಳೆದುಕೊಂಡ ಕನಸುಗಳನ್ನು...........

ಕಂಬನಿಯ ಕೊಳದಲ್ಲಿ ಮುಳುಗೆದ್ದು ಒದ್ದೆಯಾಗಿರುವೆವು ನೀ ಕಂಡ ಕನಸುಗಳ
ಬಣ್ಣಗಳು ಕಣ್ಮರೆಯಾಗಿ ನಿನ್ನ ಮೌನದಂತೆ
ಶೂನ್ಯವಾಗಿ ಉಳಿದಿವೆಯೆಂದು ಮಾತ್ರ ಹೇಳದಿರಿ........

ಹೃದಯದಲ್ಲಿ ಕರಗಿರುವ ನೋವು
ಅಳುಕಿನ ಛಾಯೆಯಲಿ ಸಂಚು ಹೂಡಿ
ನನ್ನಲ್ಲೆ ಉಳಿದಂತಹ ಗತಕಾಲದ
ಗುರುತುಗಳ ಸುಳಿವು ಕರೆಯಿಲ್ಲದೆ ನನ್ನಿಂದ ದೂರವಾಗುವಂತೆ ನೋಡಿ ನಾಯನಗಳೇ........

- ಚುಕ್ಕಿ

16 Sep 2017, 08:27 pm

ಮನಸೇ.....

ಸಾವಿರ ಕನಸುಗಳ ಪ್ರೀತಿಗೆ
ನೀ ಕಾವಲಾಗಿರು....
ಸುಳ್ಳಿನ ಪ್ರೀತಿಯ ಭ್ರಮೆಗೆ
ನೀ ಸಿಲುಕದಿರು......
ಸಮಸ್ಯೆಗಳ ಸಾಗರದಲಿ
ನೀ ಮುಳುಗದಿರು....
ಕಂಬನಿಗಳ ನಡುವಿನ ಚಿತ್ರಣ
ನೀ ಆಗದಿರು ಮನವೇ....

- ಪ್ರಿಯಾಂಕ

16 Sep 2017, 02:43 pm

ನನ್ನೊಳಗಿನ ಕವಿ

ಮುಂಜಾನೆಯ ಎಳೆಬಿಸಿಲ ಕಾಣುತ
ಕಣ್ಣ ತಂಪಾಗಿಸಿಕೊಂಡ ಮನದಲಿ,
ಹಕ್ಕಿಗಳಿಂಚರ, ಕೋಗಿಲೆಯ ಕುಹುಗಾನ
ಕಿವಿಯ ಇಂಪಾಗಿಸಿಕೊಂಡ ಕ್ಷಣದಲಿ,
ನನ್ನೊಳಗಿನ ಕವಿ ಎಚ್ಚೆತ್ತು ಕುಳಿತ..

ಕೆರೆಯ ನೀರಲಿ ತೇಲುತೇಲುತ, ಸೂರ್ಯರಶ್ಮಿಯ ದಾರಿ ಕಾಯುತ ಬಿರಿಯುತಿಹ ತಾವರೆಗೆ ಸೋತು
ದಳದಳದ ಇಬ್ಬನಿಯ ಕಣ್ಣಿಗಾತು ನನ್ನೊಳಗಿನ ಕವಿ ಇಹವ ಮರೆತ..

ನೊಗಕೆ ಕಟ್ಟಿಹ ಜೋಡಿ ಎತ್ತಿನ..
ನಡೆಗೆ ತಕ್ಕ ಹಾಡ ಹಾಡುತ..
ತನ್ನ ಸವೆಸುತ ಅನ್ನ ನೀಡುತ
ಸಾಲ ಶೂಲದಿ ಬೇವ ರೈತಗೆ
ನನ್ನೊಳಗಿನ ಕವಿ ಸಲಾಮು ಹೊಡೆದ..

- shwethaArun

16 Sep 2017, 01:25 pm